All posters created by saurabh chaudhari and team TecHunger
2 March Dinvishesh | २ मार्च दिनविशेष
संत मीराबाई पुण्यतिथी
भक्ति की मिसाल वो कुछ यूँ बन गई,
जपती रही इक़ नाम, और मीरा बन गई...
सरोजिनी नायडू स्मृतिदिन
प्रभावी वक्त्या आणि स्वातंत्रसेनानी सरोजिनी नायडू यांचा आज स्मृतिदिन.!
संत मीराबाई स्मृतिदिन
०२ मार्च १५६८ रोजी मीरा रत्नसिंह राठोड ऊर्फ संत मीराबाई यांचे निधन झाले. मीराबाई या राजस्थानातील उच्चकुलीन हिंदू गूढवादी गायिका व कृष्णभक्त होती. वैष्णव भक्तिपरंपरेतील संतांच्या मांदियाळीतील महत्त्वाच्या व्यक्तींपैकी या एक आहेत. मीरेची अशी मानली जाणारी १२००-१३०० भजने आहेत आणि ती भारतभर प्रसिद्ध असून जगभर त्यांची अनेक भाषांतरे झालेली आहेत.
राजाराम भोसले स्मृतिदिन
मराठा साम्राज्याचे तिसरे छत्रपती पहिले राजारामराजे भोसले यांचे ०२ मार्च १७०० रोजी सिंहगडावर निधन झाले, हे छत्रपती शिवाजी महाराजांचे कनिष्ठ पुत्र होते. त्यांचा जन्म २४ फेब्रुवारी १६७० रोजी किल्ले राजगडावर झाला.
सरोजिनी नायडू स्मृतिदिन
प्रभावी वक्त्या आणि स्वातंत्रसेनानी सरोजिनी नायडू यांचा आज स्मृतिदिन.!
संत मीराबाई यांचे जीवन
मीराबाई ही मेवाड येथील रजपूत राजा रतनसिंह यांची मुलगी. तिचा जन्म इ.स. १४९९ मध्ये झाला. बालपणापासून ती कृष्णभक्तच होती. तिला एका साधूने बालपणीच श्रीकृष्णाची मूर्ती दिली होती. नंतर मीराबाईच्या जीवनात महात्मा रैदास हे सद्गुरुरूपाने आले.
कालांतराने चितोडचा राजा राणा संग याचा थोरला राजपुत्र भोज याच्याशी मिराबाईंचा विवाह झाला. पुढे भोजराजाला एका संग्रामात वीरगती प्राप्त झाली आणि त्या वेळेपासून मीराबाई एखाद्या तपस्विनीसारखी राहू लागली. ती रात्रंदिवस श्रीकृष्णाच्या चिंतनात निमग्न रहात असे.
भोजराजाच्या मृत्यूनंतर त्याचा लहान भाऊ सिंहासनी विराजमान झाला. अंतःपुरवासिनी (पडदानशीन) राजपत्नीने असे वागणे तत्कालीन लोकांना रुचले नाही. त्यामुळे त्याने बहीण उदाबाई हिच्याद्वारे पेटार्‍यातून एक साप मीराबाईकडे पाठवला. नंतर मीराबाईने पेटारा उघडून तो साप हसत हसत स्वतःच्या गळ्यात घातला. त्याच क्षणी श्रीकृष्णाच्या कृपेने त्या सापाचे पुष्पहारात रूपांतर झाले, हे वृत्त ऐकताच तिचा दीर असलेला तो राजा अतिशय चिडला.
त्या राजासह सर्व लोकांनी मीराबाईचा अतोनात छळ केला. काही दिवसांनी मीराबाईसाठी राजाने उदाबाईच्या समवेत विषाचा प्याला पाठवला. मीराबाईने श्रीकृष्णाच्या मूर्तीसमोर त्या विषाचा नैवेद्य दाखवून ते प्राशन केले. तेव्हा भगवद्भावामुळे मीराबाईला ते विष अमृताप्रमाणे गोड लागले; परंतु श्रीकृष्णाची मूर्ती विषाच्या प्रभावाने हिरवी दिसू लागली.
त्या राजाने मीराबाईला ठार मारण्याचे अनेकविध प्रयत्न केले; परंतु सर्वशक्तीमान श्रीकृष्णापुढे त्याचे काही चालले नाही. श्रीकृष्णावाचून कशातही तिचे मन रमत नव्हते. तिला श्रीकृष्णाविना रहाता येत नव्हते. पुढे संत मीराबाईने वृंदावनात जाऊन अनेकांना श्रीकृष्णाच्या भक्तीसाधनेत रममाण करणारी बहुविध पदे रचिली. तिला अनेक साधू-संतांचा सहवास लाभला.
राजस्थानची कन्या म्हणून ओळखली जाणारी ही प्रख्यात संत मीराबाई श्रीकृष्णाच्या द्वारकेत गेली आणि १५४६ मध्ये ती श्रीकृष्णरूपात विलीन झाली.
0 टिप्पण्या
Please Comment Below 👇